Summus Lac, o coroshow semiprofesional de La Luthería, abre convocatoria para incorporar novas voces ao proxecto. A formación, dirixida por Míriam Rodríguez e Chucho González, vai máis alá do concepto de coro tradicional e reúne profesionais e semiprofesionais da música, a danza, o teatro e outras disciplinas artísticas nunha proposta escénica conxunta.

O proxecto busca persoas con ganas de cantar, traballar en grupo e formar parte dunha experiencia na que a voz convive co movemento, a interpretación e a posta en escena.

As persoas interesadas en participar na convocatoria poden solicitar máis información a través de summuslac@gmail.com