As perseidas, tamén coñecidas como bágoas de San Lourenzo por ser o 10 de agosto esta festividade relixiosa, é unha prolífica chuvia de estrelas que ten o seu punto álxido entre o 11 e o 13 de agosto. Realmente, o que vemos son os restos volatilizados do cometa Swift-Tuttle, que está na órbita arredor do sol. Malia a contaminación lumínca, é posible visualizalas afastándose un pouco do núcleo urbano.

Un ano máis o Concello de Vigo organiza en Vigo Nature o 12 de agosto unha noite para coñecer o noso firmamento. A partir das 22:30 horas, cinco guías expertos en astronomía axudarán aos asistentes á identificación de constelacións visibles, xogos didácticos en familia, o uso do planisferio e punteiro láser e actividades adaptadas aos máis pequenos.

Debido ao aforo limitado a 75 prazas, a actividade require inscrición previa chamando a Vigo Nature (986 26 77 83) a partir do luns 28 de xullo. Prezo 6,00 €, inclúe chocolate quente.