bannerTerraCeo
bannerArmadinhaRock

Este é un evento repetitivo

08xul11:0014:00Obradoiros infantís de verán no Museo MarcoPEQUERRECHOS | De balde11:00 - 14:00 MARCO

Obradoiros infantís de verán no Museo Marco

Para a este período estival, a área de Didáctica do MARCO retoma a súa programación especial de verán, que este ano inclúe, ademais de obradoiros infantís, un innovador programa destinado a público familiar:

LABORATORIOS DE EXPERIMENTACIÓN E CREACIÓN EN FAMILIA

Para público familiar (nenos/as a partir de 4 anos acompañados de persoas adultas)

Conducidos por Cristina González Larriba (Arte y Garabato) e Mª Xosé Martínez

Do 12 ao 28 de xullo de 2022

MARCO: Espazo Anexo (praza peonil posterior), Galería B3 e salas de exposición

Horario: martes e xoves de 11.00 a 12.30

GRATUÍTO, PREVIA INSCRICIÓN
Reservas de praza a partir do 5 de xullo en taquilla recepcion.marco@gmail.com / Tel. 986 113900 (ext. 100)

OBRADOIROS INFANTÍS DE VERÁN

Para participantes de 3 a 12 anos

Conducidos por Mª Xosé Martínez e persoal de Didáctica do MARCO

Do 6 ao 29 de xullo de 2022

MARCO: Espazo Anexo (praza peonil posterior) e salas de exposición

Horarios:

De 3 a 6 anos: mércores e venres de 11.00 a 12.30 /

De 7 a 12 anos: mércores e venres de 12.30 a 14.00

GRATUÍTO, PREVIA INSCRICIÓN
Listas abertas para cada sesión ata completar capacidade: máximo 25 participantes por sesión

[Posibilidade de reservas específicas para grupos en función de datas e horarios dispoñibles.]

Reservas de praza a partir do 5 de xullo en taquilla recepcion.marco@gmail.com / Tel. 986 113900 (ext. 100)


SESIÓN 1 / Mércores 6 xullo
SESIÓN 2 / Venres 8 xullo
Dúas sesións de taller baseadas na obra do artista Alfredo Alcain, concretamente na súa serie Cézanne petit-point, e a peza titulada Tomad mucha fruta, ambas as dúas presentes na exposición do MARCO.

SESIÓN 3 / Mércores 13 xullo
“Equilibristas”
Utilizando formas xeométricas básicas, creamos figuras bidimensionais que despois trasladamos a un formato tridimensional, investigando sobre o concepto do equilibrio na escultura.

SESIÓN 4 / Venres 15 xullo
“Vaia mestura!”
A artista Idoia Montón inspíranos nesta sesión para un laboratorio de colaxe no que a materia pictórica é protagonista: chans, paredes, ventás que se abren a paisaxes e, ao fondo, ata un volcán!

SESIÓN 5 / Mércores 20 xullo
“Atrápame se podes”
En ocasións, as criaturas de Francisco Leiro parecen estar atrapadas por elementos que as quebran e envolven. Nesta sesión combinaremos obxectos de metal e outros materiais en forte contraste para crear as nosas propias formas escultóricas, sexan humanas ou animais.

SESIÓN 6 / Venres 22 xullo
“Mira mira, que ves?”
Baseándonos no libro do mesmo título de Àngels Navarro (Ed. Combal), internámonos nos máis divertidos xogos de percepción: liñas, cores e figuras en movemento desafíannos para descubrir… como nos engana o noso propio cerebro!

SESIÓN 7 / Mércores 27 xullo
“Micromundos”
Hoxe o noso material será a auga, que, tanto en estado líquido como sólido (xeo), serviranos para crear micromundos mergullados, e figuras mediante a técnica do baleirado.

SESIÓN 8 / Venres 29 xullo
Obradoiro de creación colectiva, aberto en función dos resultados e desenvolvemento das sesións anteriores.

Máis

Hora

(Venres) 11:00 - 14:00

Localización

MARCO

Museo de Arte Contemporánea de Vigo, Rúa do Príncipe, 54, 36202 Vigo, Pontevedra

X