Antes do zoótropo e o praxinoscopio inventouse o taumatropo, o primeiro xoguete óptico precursor do cine.

Este xoguete vitoriano consiste nun simple disco que presenta diferentes imaxes en cada lado e dous anacos de corda atados aos seus bordos opostos para poder facelo xirar. O que sucede cando xira é sinxelo. As imaxes cambian tan rapidamente que os nosos ollos e o noso cerebro non teñen suficiente tempo para percibir imaxes individuais. Como resultado, superpoñemos dúas imaxes e creamos unha fusionada.

Cos mesmos materiais que se utilizaron para confeccionar o primeiro taumatropo, os nenos de 5 a 10 anos poderán crear marabillas xiratorias de movemento máis fluído, engadindo novos conceptos e un maior número de imaxes.

Carmen Pintos, ilustradora do Morrazo, impartirá este obradoiro.

INSCRICIÓN GRATUITA AQUÍ