O Yalah Festival, evento poético e musical solidario a favor de Palestina que terá lugar en decembro, esgotou xa todas as súas entradas, mais continúa dispoñible unha fila 0 para quen desexe colaborar economicamente co proxecto.

O festival, que mestura poesía, música e compromiso social, xorde co obxectivo de dar voz á solidariedade internacionalista e apoiar causas humanitarias a través da cultura. O festival reunirá a algúns dos artistas máis relevantes da escena galega e estatal como Rebeliom do Inframundo e Dakidarría, as dúas bandas que encabezan o cartel.

A organización vén de anunciar tamén dúas novas actividades complementarias:

A primeira será o 3 de decembro, a partir das 19:00 horas, na Morada, cunha xornada poética na que participará unha ducia de poetas galegas e galegos. A segunda cita será o 10 de decembro, no Monk, con unha xornada informativa na que intervirán BDS Galicia, Intifada Cultural e Pallasos en Rebeldía, para afondar na realidade palestina e nas accións solidarias en marcha.