Un ano máis, e xa van tres consecutivos, a Sala Rebullón colabora coa organización de @osondopazo nunha nova xornada de música en directo e foliada aberta!

Nesta edición contaremos con:

Os carecos (@oscarecos): Este grupo de música tradicional iniciou a súa viaxe sonora en 2014 e na súa música sobresaen as polifonías e o traballo vocal, xunto cun dominio total da percusión de man.

“FOULA” é o seu primeiro disco, do que xa desfrutamos adiantos como “Palmira”, “Xota” e “muiñeira das Cortellas”

Leni Pérez & Sekadra (@leniperezzz & @se_kadra):

Este proxecto de musical tradicional galega conta cunha roupaxe moderna no que ten cabida tanto as influencias do jazz contemporáneo europeo como doutras culturas. Exploran a fusión da man de Leni Pérez na voz e pandeireta, xunto ao dúo de jazz Sekadra, formado por Paulo Silva (@paulosilvadrumsandpercussion) baterista, e Arturo Rúa (@arturoruatoucedo). O seu primeiro sinxelo “Avivado”, viu a luz hai un mes nas plataformas, como adianto do disco, “Xa non ten ferrilas”, recén editado.

Ao finalizar os concertos non remata a festa, xa que dará comezo a foliada aberta para todo o mundo, para gozar e celebrar a cultura que herdamos e alimentamos

Entradas