O Concello de Vigo continúa avanzando o cartel de verán no Auditorio de Castrelos ao confirmar que The Corrs actuarán o martes 11 de agosto dentro do ciclo de concertos de Vigo en Festas 2026. Esta confirmación supón a segunda gran aposta internacional da programación, despois do anuncio do puertorriqueño Chayanne para o 30 de xullo, e únese ás actuacións de Viva Suecia (14 de agosto) e Iván Ferreiro (15 de agosto) nun cartel que promete emoción, diversidade estilística e celebracións multitudinarias no pulmón verde da cidade.

Formada na década dos 90 en Dundalk (Irlanda), The Corrs é unha banda familiar composta polos irmáns Andrea, Sharon, Caroline e Jim Corr coñecidose pola súa singular mestura de pop‑rock contemporáneo con raíces da música tradicional celta. Desde o seu álbum de debut Forgiven, Not Forgotten (1995), a banda vendeu máis de 40 millóns de discos en todo o mundo, acadou éxito internacional nas listas e converteuse nun referente do pop celta con clásicos como ‘Breathless’, ‘Runaway ou What Can I Do?’.

Aínda que o grupo fixo unha pausa no seu percorrido para centrarse nas súas vidas persoais, regresou áen 2015 e desde entón continúa enchendo auditorios e festivais por Europa e América con actuacións que celebran tanto os seus grandes éxitos como a súa persistente capacidade de combinar enerxía pop, harmonías e evocacións folk.

• 2 de xullo – Deep Purple
• 24 de xullo – A Ópera Carmen
• 30 de xullo – Chayanne.
• 11 de agosto – The Corrs.
• 14 de agosto – Viva Suecia.
• 15 de agosto – Iván Ferreiro.