A programación comezará ás 17:00 horas cun obradoiro infantil no que os participantes transformarán os coñecidos cubos-asento de A Laxe en pezas de arte urbana.

A actividade contará con tres quendas dunha hora, cun máximo de 20 persoas en cada unha e acceso por orde de chegada. Os asistentes empregarán rotuladores de pintura acrílica e técnicas propias do Doodle Art, baseado en patróns continuos de debuxos, personaxes e trazos expresivos.