En cada unha das súas representacións, a principal motivación do Tchaikovsky National Ballet é coidar as tradicións e a esencia do ballet clásico máis puro, converténdoas nun festexo para os sentidos co encanto do vestiario e a vistosidade das escenografías; xerando un equilibrio fascinante coa perfección das súas liñas e a sobriedade das súas coreografías.

Unha cativadora historia de amor (un príncipe, unha fermosa moza transformada en cisne polo conxuro dun meigo, un engano mortal…), o virtuoso dobre papel de Odette/Odile, a forza da música de Tchaikovsky e un dos máis grandes pas de deux do repertorio do ballet converten O Lago dos Cisnes nunha experiencia única.

Un entorno romántico, unha coreografía espléndida e unha inesquecible historia de amor condenada combínanse para facer de O Lago dos Cisnes un auténtico ballet clásico, aclamado polo público de todo o mundo.

Compra de entradas aquí