Co nome completo de O home que xa non sabía ir ao teatro[peza para dúas persoas que falan consecutivamente e crean unha impresión de diálogo por efecto Kuleshov], esta é unha proposta por veces absurda, pero que aborda temas relevantes para nós. O pretexto é a memoria dun espectáculo de hai 25 anos. Que queda aínda hoxe? Como se mantivo vivo durante todo este tempo?

Máis aló diso, a peza propón que pensemos de novo a nosa posición de espectadores, diante do teatro, e diante das cousas máis cotiás, para que valoremos que actores queremos ser diante dos acontecementos escuros que se presentan como inevitables.

Con Quique Rey e Lisa Vitorino, nunha posta en escena de Alberte Alonso.

É unha sesión só para socios do teatro, que poden reservar aquí.