Desde La Contenedroa propoñen unha profunda viaxe sobre a imaxe como espazo de recoñecemento e de perda. Inspirada no xenial cinema de Andrei Tarkovski (O Espello), esta mostra convida a pensar na memoria, no tempo e no noso propio eu a través do reflexo.

​Como na súa obra, as imaxes aquí son fragmentos dun tempo interior: lembranzas que se reconstrúen, rostros que se difuminan, instantes que volven para ser vistos doutro xeito. A mirada do artista proxéctase no motivo, e a do espectador devolve ese xesto, completando o círculo do reflexo. A cámara convértese así nun espello expandido, onde o suxeito se atopa e se perde ao mesmo tempo.

A exposición inaugúrase o 29 de novembro ás 12:30h nunha sesión vermut, e estará dispoñible ata o 31 de xaneiro.
​