Unha excitante experiencia de xogo en vivo inspirada no clásico do cine de ciencia ficción The Thing (A Cousa). Neste xogo, as persoas participantes converteranse en membros dunha illada estación antártica. Hai dous días que acharon unha estraña criatura baixo o xeo que, antes de morrer, logrou infectar a un dos membros do equipo. Agora a estación atópase ao bordo do colapso: en menos de dúas horas converterase nunha tumba xelada e o obxectivo será evacuala a tempo.

Cada participante encarnará a un membro da base co seu respectivo cargo (médico, enxeñeiro, bióloga…) e tamén cun trazo oculto. Polo menos un deles estará controlado polo ente alieníxena, aínda que aparentará ser alguén totalmente normal. A misión dos humanos será abandonar a estación e impedir que as persoas infectadas escapen. Pola súa banda, o obxectivo do Alién será conseguir que polo menos un dos seus chegue ao seguinte núcleo de poboación para propagarse. Agardan sospeitas, decisións críticas, unha conta atrás inexorable e unha evacuación moi difícil, xa que no helicóptero non hai prazas para todo o mundo.

Prazas limitadas a un máximo de 12 participantes e unha idade mínima recomendada a partir dos 16 anos. Para reservar praza, as persoas interesadas poden contactar a través do correo electrónico info@realidadalternativa.com ou visitar a páxina web oficial.