O celtismo mobilízase para celebrar o centenario de maneira allea ao Club

Afeccionados ao Celta están convocando unha celebración esta tarde na contorna de Balaídos a través das redes sociais. Amósanse molestos porque os actos programados para hoxe polo club reléganse a un evento pechado na Cidade Deportiva do Celta en Mos, ao que só puideron acudir un número limitado de socios por sorteo. Os celtistas non queren deixar pasar esta data tan sinalada e a través das redes sociais difundiron unha quedada esta mesma tarde ás 19:23, facendo unha chiscadela ao ano de fundación do club, nos arredores do Estadio de Balaídos.

❗️ Ante la falta de iniciativas por parte del club para la afición en uno de los días más importantes en su historia, la afición se está organizando para celebrar el Centenario todos juntos

🍺 Quedada para brindar mañana todos juntos, en Balaídos, a las 19:23h. ¿Quién se apunta? pic.twitter.com/i8Irj1A5mi

— NoticiasCelta (@noticiascelta) August 22, 2023

Estádesnos facendo chegar a proposta dunha quedada do celtismo mañá en Balaídos ás 1⃣9⃣.2⃣3⃣ para celebrar o centenario. Cantos vos apuntariades?

(Foto de Óscar Vázquez doutro día especial). pic.twitter.com/7iZld0W0W2

— Grada de Río (@gradaderio) August 22, 2023

Os outros actos previstos polo club con motivo da celebración do centenario consistirán nunha festa previa ao partido ante o Madrid este venres  con animación infantil, pinta-caras, hinchables, batukada e os concertos de Keltoi! e Dakidarría. E por último o partido de lendas que se celebrará o mércores 30 de agosto.