Un dispositivo escénico onde música e danza se unen para reflexionar sobre a espiritualidade e o fanatismo no século XXI, dende unha perspectiva milenial. NÜE quere ser un lugar de culto: un espazo de admiración, de honra ao divino e ao sagrado na nosa sociedade posmoderna, onde a cultura popular conecta directamente co fenómeno fan e o sentido de pertenza.

Esta é unha peza en proceso, e compartirase como un work in progress, seguida dun coloquio aberto entre artista e público.

Dirección e interpretación: Eva Comesaña
Composición e produción musical: Marcos Alonso
Vestiario: Petra Porter