A primeira representación do XIX Circuíto Galego de Teatro Amador organizado polo grupo de teatro O TRASNO coa colaboración da FEGATEA (Federación Galega de Teatro Afeccionado).

Novo Amencer é unha comedia que pon o foco nas falsas crenzas, nos líderes de barro, na inocencia e naqueles que se aproveitan dela para o seu propio beneficio. Unha divertida crítica distópica ambientada nunha comunidade moi peculiar na que non hai ninguén normal, como na vida mesma.