'Nós, mañá'  de Alisa Kovalenko

Cinco adolescentes da rexión de Donbas en Ucraína tentan escapar dos atentados de Putin comezando a imaxinar o seu futuro. A pesar da situación bélica, os mozos insisten en vivir o seu momento de transición cara á madurez con esperanza e ilusión. Imaxínanse a si mesmos como pintoras, fotógrafas, actrices ou converténdose no novo Elon Musk. Mentres, fóra, o ruído das bombas e dos disparos non descansa, pero o grupo decide retomar o proxecto de viaxe a Nepal que se viu interrompido polo inicio da guerra. Soñan con fuxir da guerra, pero tamén, como calquera adolescente, da monotonía do seu pequeno pobo. Nun momento determinado, e contra todo prognóstico, aparece nas súas vidas unha verdadeira oportunidade de viaxar.A sesión é ás 18:00h, no Auditorio Municipal de Vigo da praza do Rei. Acceso gratuito para xente da comunidade universitaria e persoas asociadas ao cine club. 2 euros para o resto do público.