No Nadal... un conto: 'Pepiña Maruxiña quere voar'

No Nadal… un conto trátase dunha acción de dinamización lingüística que consiste na organización de actividades na época de Nadal para cativos e cativas: contacontos, cancións, etc. Este programa, máis a súa versión estival No verán… un conto, dedícanse a percorrer os barrios da cidade para entreter e levar o galego aos máis pequenos.

Esta edición especial de No Nadal… un conto comezará este martes 22 de decembro ás 11:00 coa retransmisión en directo de Pepiña Maruxiña quere voar, un espectáculo da compañía viguesa Barafunda. Poderá seguirse a través da canle de Youtube de Concello de Vigo.