Vigo conta cun novo evento audiovisual, neste caso dedicado ás series. O Festival de Series Ría de Vigo celebrarase do 29 ao 31 de maio na Estación Marítima de Vigo, onde o público poderá acudir a proxeccións, estreas, debates, coloquios e a gala de entrega de premios.

Entre toda a programación podemos destacar as proxeccións das series El jardinero, Weiss&Morales, La Canción ou Cicatriz; as mesas redondas e charlas sobre rodaxes con Iphone, colaboracións en series, contaminación nas rodaxes, a composición de bandas sonoras ou sobre a historia da ficción na TVG.

Tamén coñeceremos Marusía, unha serie de Mediaset que desde hai uns meses se está a rodar en Vigo e Marín.

A entrada a todas as actividades é gratuíta pero é preciso reservar previamente a través de Ataquilla.

PROGRAMA