MUTAR, un novo evento artístico que se celebra en MUTA Vigo os días 20 e 21 de decembro. Haberá postos de artistas e marcas creativas, DJ sessions, recitais, performances e barra con comida e bebida, todo baixo o lema “Todo pode mutar cando é arte”.

Contará con dúas plantas:

• Mercado de arte, artesanía e marcas emerxentes: desde roupa vintage e complementos ata arte, biquínis, bonecos artesanais e xoias. O obxectivo é crear comunidade e abrir camiño a futuros proxectos artísticos en Vigo, reunindo múltiples disciplinas nun único espazo.
• Performances e experiencias en directo. O sábado, na segunda planta, celebraranse performances poéticas:
  – Branca Trigo: 19:00h–20:00h
  – Verdeoír (Noelia e Rui Greña): 20:00h–21:00h

Ademais, durante todo o sábado, Casal.ttt realizará tatuaxes en directo xunto a Ourisazo, ofrecendo aos visitantes unha experiencia artística única e personalizada. Mentres o domingo, a artista Gemarcela.gm presentará a súa proposta innovadora de xemas nos dentes e porá á venda os seus exclusivos sets de xemas.

Alexbien, o prometedor produtor e DJ electrónico nacido en Vigo, animará o evento cos seus sets cheos de ritmo, moitos deles creados por el mesmo, aportando unha atmosfera vibrante que acompaña a creatividade do mercado.