O vindeiro venres 7 de novembro, ás 20:00 horas, terá lugar en Évame Oroza a charla ‘Músicas esquecidas’, ofrecida pola violinista, creadora e xestora cultural María José Pámpano. Nesta sesión, a intérprete proporá ás e aos asistentes unha viaxe tras as pegadas de compositoras dos séculos XVII e XVIII, redescubrindo figuras pioneiras que contribuíron á profesionalización da muller no ámbito musical e que cambiaron o rumbo da música occidental.

A actividade contará con entrada libre ata completar aforo.