Música, cine e coloquios polo Día Mundial das Persoas Refuxiadas

Este xoves 20 de xuño é o Día Mundial das Persoas Refuxiadas, e desde Accem organizan tres actividades ao longo de dúas xornadas para sensibilizar, a través da cultura, á cidadanía sobre un dos grandes problemas sociais a nivel mundial.

Martes 18 – Ás 19:00 nos Cines Yelmo de Travesía – De balde con inscrición previa.

O ciclo “Refugiados en el cine” trasládase ata Vigo para proxectar a película «De repente, el paraíso». Esta cinta mostra tanto a beleza de Palestina como as crueis e insensatas tácticas de intimidación que o mundo occidental utiliza contra o pobo palestino.

Xoves 20 – Ás 11:00 no Edificio Redeiras – De balde

Polo día mundial das persoas refuxiadas, relatoras de Colombia, Venezuela, Perú, Sahara Occidental, Ucraína e Guinea Conakry dialogarán sobre migración e refuxio, poñendo o foco na protección internacional. De balde.

Xoves 20 – Desde ás 18:30 na Praza de Portugal e ás 20:30 en La Fábrica de Chocolate – Caixa inversa

O Festival RefuFest é unha das actividades organizadas por Accem para conmemorar o Día Mundial das Persoas Refuxiadas, este 20 de xuño. Grazas á colaboración e a mentoría de artistas invitados, as persoas con dotes artísticas atendidas pola nosa entidade participan nunha gala  chea de multiculturalidade. Poderemos ver a artistas coma Maxia na Manga, Canta Mañás, unha batucada por Bloco Aperta, Charanga Excombro, Rukan Rockblues, DJ Rapante ou Alberto Cunha. Chegarán con grandes sorpresas. Caixa inversa.