Con motivo do Día Internacional da Muller, o Conservatorio Superior de Música de Vigo presenta unha nova edición de SON MULLER, unha iniciativa cultural e educativa que pon o foco nas mulleres que constrúen a música en Galicia desde a interpretación, creación, investigación, pedagoxía, produción e xestión cultural. O proxecto regresa en 2026 ampliando o seu alcance cun programa que combina exposición, concertos e accións divulgativas.

Actividade “Mulleres de Música e Palabra”, o venres 6 ás 12:00 h na Biblioteca do CSM Vigo, un recital de poesía escrita ou musicada por mulleres con acompañamento musical do alumnado.

Estas actuacións buscan visibilizar repertorios historicamente relegados e promover referentes femininos para as novas xeracións.