O Modulador de Ondas, Paulo Pascual, presenta o seu último traballo, Luces, no Café Uf. Nesta etapa, traballa co seu theremin, guitarra e máis aparellos que mestura cos sons do contrabaixo de Pablo Muñiz. Trátase dun encontro entre sons electrónicos pouco coñecidos, peculiares e vangardistas coas características acústicas das cordas. Unha exploración de novos espazos sonoros de expresión, afastados das tendencias máis explotadas da actualidade.