A Orquestra Clásica de Vigo e o Ensemble Vocal Pro Musica de Porto presentan o vindeiro sábado 16 de maio, ás 20:30 h, no Teatro Afundación de Vigo, unha das obras máis significativas de W. A. Mozart: a súa Misa de Réquiem. Esta peza pon o punto final á tempada concertística 2025-2026 da formación viguesa.

A obra está rodeada de lendas debido á súa orixe anónima, encargada por un mensaxeiro do conde Franz von Walsegg, e á situación de enfermidade que atravesaba o compositor durante a súa creación. O Réquiem destaca por combinar a maxestade barroca coa emoción do clasicismo vienés, sendo unha peza fundamental do repertorio musical occidental.

Este concerto realízase en colaboración co Ensemble Vocal Pro Musica, agrupación do Porto que celebra este ano o seu 35 aniversario. Fundado en 1991 polo mestre José Manuel Pinheiro, este coro conta con cerca de cen elementos activos e unha recoñecida traxectoria internacional, con premios destacados en certames de Venecia e Praga.

O programa está integrado integramente pola Misa de Réquiem en re menor, K. 626. Para a súa execución, contarase co seguinte elenco de solistas:

• Soprano: Raquel Paulo
• Mezzo Soprano: Gisela Sachse
• Tenor: Pedro Rodrígues
• Barítono: Nuno Araújo

A dirección do coro corre a cargo de José Manuel Pinheiro, mentres que a dirección orquestral será exercida por Manuel Martínez Álvarez-Nava.

Entradas