Minor inter partes é a segunda parte da triloxía que se iniciou con Baleiro e, dalgún xeito, acontece despois. Baleirados os símbolos e os seus significados, baleirados os discursos e os relatos, o público acompañará a Ensalle e a Juan Navarro á “trastienda” daquel plató cutre de televisión, ao backstage daquel “reality fake”.

E que queda despois dese baleirado? Pois, seguramente, un oco, un burato que é unha invitación.

Nesta peza o baleiro non se expón, compártese.

O burato que deixa o baleiro será o primeiro elemento deste novo mundo e reunirá a todos como unha fogueira, como un oasis. Non hai creadores e público, hai habitantes no baleiro dando a benvida aos seus novos veciños. Compartiranse os costumes, a linguaxe, os ritos, as celebracións e os exercicios matinais que se desenvolven neste lugar á volta da esquina.

Minor inter partes é un fogar que non existe máis ca na imaxinación e nos corpos, e haberá que construílo entre todos. Convídase a formar parte da fundación deste re-mundo, deste rexurdir.

En Minor inter partes quérese felicitar de antemán pola ousadía de ter asistido.

Cando foi o último desprendemento?

Ficha artística

• En escena, creación e textos: Juan Navarro, Raquel Hernández, Artús Rei e Pedro Fresneda.
• Dirección e dramaturxia: Pedro Fresneda e Juan Navarro.
• Espazo escénico: Ensalle.
• Deseño de iluminación: Pedro Fresneda e Jaume Blai.
• Espazo sonoro: Juan Navarro.
• Colaboración musical: Gabriel Celester.
• Creación audiovisual: Pedro Fresneda.
• Axudantía de creación: Alzan Miranda.
• Fotografía: Elena Vázquez Ledo.
• Deseño web: Artús Rei.
• Produción: Jorge Rúa.
• Deseño gráfico: Raquel Hernández.
• Coaching: Ultharino Fuentes.
• Co apoio de AGADIC, Xunta de Galicia.