O rapero neoyorkino MIKE, este domingo 30 en Radar Estudios.

O mozo rapero neoyorkino MIKE (26 anos) é unha figura clave no nacemento dun novo son e estilo de hip-hop, que foi gañando influencia desde que emerxeu nos círculos underground en 2017. A pesar da súa mocidade, a súa música reflicte a perspicacia, a dor e o cansazo que adoitan acompañar á madurez e a unha vida longa e vivida. É coñecido polas súas rimas introspectivas e sutilmente profundas que exploran o duelo, a familia e a identidade, e que se funden con mostras de soul de son amortecido.

Na súa estancia en Inglaterra mergullouse no grime e en NY no son de Earl Sweatshirt e MF DOOM. Formou o colectivo [sLUms], que estableceu un son único e xerou un gran impacto na escena rap e hip-hop de todo o país. A súa primeira mixtape recibiu unha crítica de Best New Music en Pitchfork, o que lle permitiu gañar recoñecemento internacional máis aló de Nova York.

Desde entón, foi editando un novo disco anualmente, sendo destacados como discos do ano en medios como Pitchfork e outros. Estes lanzamentos abríronlle as portas de festivais como Primavera Sound, Coachella, MoMA PS1 ou Pitchfork Festival.

Cunha nómina de colaboradores habituais como Earl Sweatshirt, Wiki ou The Alchemist, MIKE é xa unha figura de culto prematura, algo así como a perfecta substitución xeracional para MF DOOM.

ENTRADAS AQUÍ