La Pecera organiza un concerto de Mike Cobb and the Crevulators (Óscar Avendaño ao baixo e Andrés Cunha á batería). O neoiorquino Mike Cobb ten a música de The Rolling Stones, The Beatles, Creedence Clearwater Revival, Bob Dylan, The Band e Neil Young queimada na súa alma. Despois, descubriu artistas como Tom Petty, Los Lobos, The Replacements, Robyn Hitchcock e The Sadies, entre outros. “Atráeme a música con alma, sexa de onde sexa”, afirma. Con vinte e tres anos firmou un contrato con Island Records. Abriu o concerto de Oasis na súa primeira xira nos Estados Unidos. Tocou varias veces no lendario CBGB’s e segue tocando en varios locais de Brooklyn, Manhattan e Nova Inglaterra.