Miguel Fraile é cuellarano e, aínda que a súa titulación superior de guitarra o levou ata Vigo, as súas raíces están sempre presentes. Agora máis ca nunca, porque o proxecto no que está embarcado ten auténtico sabor segoviano: Miguel afonda nunha interpretación que recupera a faceta máis descoñecida —e tamén máis apaixonada— do músico Agapito Marazuela, unha figura de referencia á que se lle debe boa parte do folclore da provincia.