“Mi forma de ver”

Do18/12/23 ao 18/03/24

De 8:30 a 22:30

O pasado día 18 de decembro inaugurouse na primeira planta de Vitrubia Café en Vigo a nova exposición de pintura da artista viguesa Mayoya González. Co título “A miña forma de ver” poderanse contemplar e gozar unha serie de obras orixinais e serigrafías en diversos formatos. Nesta exposición coñeceremos o universo particular da artista e o que cada visitante queira facer sentir como seu. Unha oportunidade para gozar dun universo pictórico cargado de referencias á natureza, á música e aos sentidos… Unha mirada persoal chea de luz, alegría e cor. Mayoya naceu e vive en Vigo. É licenciada en Historia da arte pola Universidade de Santiago de Compostela. Expuxo en múltiples galerías e institucións en España e Portugal durante estes últimos anos.