Unha proposta única de jazz contemporáneo europeo e música improvisada da man de MBM Trío, formación nada en 2009 e integrada por Lucía Martínez (batería), Baldo Martínez (contrabaixo) e Antonio Bravo (guitarra). Cun estilo que foxe do modelo tradicional para darlle o mesmo protagonismo a cada instrumento, o trío ofrece unha conversa permanente no escenario que transita desde estruturas de gran riqueza harmónica ata o free jazz e a improvisación libre.