A Asociación de Magos e Ilusionistas Vigueses celebra o seu décimo aniversario por todo o alto con moita maxia.

A data será o sábado 27 de abril ás 19:00 no Auditorio da Oficina Municipal de Distrito de Teis, e contará con nada menos que oito magos e magas da Asociación que darán todo para que o público se divirta e se sorprenda.
Dende a súa fundación en 2014, a AMIV ten como obxectivo a difusión e posta en valor da maxia, e ser un punto de encontro para ilusionistas amadores e profesionais de Vigo e da contorna. A AMIV tamén organiza eventos de maxia en colaboración con outras entidades e asociacións, así como conferencias formativas da man de magos e magas de renome nacional e internacional.