Maxia no CC A Laxe

10 de Novembro ás 18:00 h – “MAXIA MISTERIOS E OUTRAS HISTORIAS” Óscar Fernández

Da man do ilusionista Óscar Fernández será posible entrar neste mundo onde a maxia e o humor non deixarán indiferente a ninguén. Números clásicos reinventados para chegar a novos imposibles e sensacións únicas para toda a familia. O misterio non entende de idades, e tanto nenos como adultos vivirán por igual o misterio da maxia e descubrirán que pode ser máis real do que pensamos.

17 de Novembro ás 18:00 h – MAGIC MATEO SHOW

Magic Mateo é un mozo meigo ferrolán de 15 anos de idade, que a pesar da súa mocidade e de debutar fai tan só 2 anos, xa participou en festivais de Maxia e actuou en espazos públicos e eventos privados.

No seu espectáculo, Magic Mateo Show, ofrece unha viaxe polas distintas ramas da maxia: manipulación, levitación de obxectos, Maxia cómica, predicións e mesmo mentalismo. Trátase de Maxia de salón na que se combinan algúns números musicais con outros que requiren a participación do público. Show apto para todas as idades.

24 de Novembro ás 18:00 h – “ESPAZO MÁXICO” Pedro Volta

O recoñecido ilusionista Pedro Volta, director artístico de Galicia Magic Fest e semifinalista de Got Talent, quen tamén adoita facer colaboracións na Televisión de Galicia. Nesta ocasión poderás ver maxia imposible e sorprendente nun formato moderno e participativo baseado en historias do espazo, viaxes no tempo e inspirado en películas de ciencia ficción. Sentirás a maxia dunha forma diferente.