MAX & BULL E GREAT FOOL

Espazo Underground presenta aos lusos Great Fool e aos vigueses Max & Bull nunha noite de stoner, experimentación, rock dos 70 e fuzz, moito fuzz! O evento terá lugar o sábado 23 de novembro ás 21:30 horas na Sala Transylvania (Rogelio Abalde 16, Vigo). Prezo da entrada en despacho de billetes: 10 €.
A banda Great Fool, do Porto, é coñecida polas súas actuacións cheas de intensidade e forza. Destacaron no festival SonicBlast 2024 cunha actuación potente que conectou profundamente co público, enchendo de enerxía o evento. Sorprenderon co seu álbum Resist (2024), no que mesturan rock psicodélico e stoner rock, con influencias contemporáneas. A súa música caracterízase pola contundencia dos seus ritmos e as súas guitarras densas.
Max & Bull é un dúo instrumental inclasificable de Vigo, composto por Iñaki Blanco (guitarra, sintetizador, bases e visuais) e Víctor Franco (batería). O seu estilo combina rock, metal, prog, IDM e ao vivo looping, mesturando potentes riffs de guitarra con baterías contundentes, sintetizadores e bases electrónicas e atmosféricas. Crean paisaxes sonoras a partir da superposición do mundo analóxico e o dixital.