MATA RATOS + INN OPPIAH!

Entrada 12€ anticipada, 15€ taquilla

Desde 1982 os infames Mata ratos veñen causando danos irreparables na escena musical alternativa portuguesa. Presentan 41 anos de punk rock suado e sucio. Sen colorantes nin conservantes, sen preocupacións politicamente correctas, nin trapos quentes, a súa música abarca xeracións que atoparon nela a banda sonora ideal para a vivencia nun mundo que pouco ten de acolledor ou positivo que ofrecer. Así foi no 82 e segue sendo así no 2023. Rotundos, sarcásticos e corrosivos, Mata Ratos son a banda portuguesa de culto máis ignorada polos medios de comunicación portugueses, máis a súa resistencia, persistencia e teimosía conseguiu superar as máis variadas adversidades e mostralas como vangarda dun streetpunk que reúne a seguidores espallados do norte ao sur do país e en diferentes puntos do globo. Un dos segredos mellor gardados do Portugal contemporáneo, un concerto do infame e a celebración anímica do espírito colectivo da revolta que se encontra adormecido na nosa sociedade de brandos costumes.

Inn Oppiah! faino todo dende 2008: composicións, gravacións, difusión e asalto ao palco. Unha proposta diferente, capaz de facerche berrar e danzar en cada actuación, que conta con múltiples tours por Galiza, Portugal e numerosos concertos e festivais na Península Ibérica acompañando a bandas como Gatillazo, Mamá Ladilla, Manifa, Mata-Ratos, Simbiose, Grito!, Squelette, Leo i Arremecághona, Alerta, Malheira, Brux e un longuísimo etcétera. Tamén marcou presenza en diferentes compilados publicados na Galiza, Estado español, Portugal, Chile, Arxentina ou Costa Rica. Neste 2023 vén co seu novo álbum Art If Iciahl, co que xa percorreu diferentes escearios da Galiza e Portugal, e promete facer as delicias do público da Sala Rebullón.