A Universidade de Vigo acolle o V Congreso MariCorners, un espazo académico e interdisciplinar sobre temas LGTBIA e queer/cuir en español. Paralelamente ao programa que se desenvolve na Facultade de Filoloxía e Traducción, haberá actividades abertas ao público en diferentes espazos da cidade, que inclúen cinema, un bingo drag e literatura queer.

A academia adoita ser un lugar frío e solitario, especialmente para quen investiga fóra dos canons tradicionais. Baixo esta premisa nace MariCorners, un espazo interdisciplinar que busca situalos temas LGTBIA e ‘queer’ no centro do debate científico en español. Tras o éxito dos seus tres congresos previos, a plataforma continúa tecendo o que denominan a ‘MariAcademia’: unha comunidade que hibrida a rigorosidade investigadora co entusiasmo activista para xerar un relato social máis rico e inclusivo.

A iniciativa non só se queda nos libros ou no ‘MariPodcast’, senón que se expande para crear xenealoxías de apoio entre distintas xeracións de investigadores. O obxectivo é claro: tecer redes persoais de apoio e xerar unha comunidade académica, cultural e social que saia das facultades para enriquecer as rúas. Como parte deste compromiso por divulgar unha ciencia ‘moi nosa’,

PROGRAMA:

Martes 21 de abril ás 19:00 h no Centro Social A Nubeira.

Haberá unha proxección de curtas con posterior coloquio coas directoras Nuria Vil e Paula Pereira. Unha cita para analizar o audiovisual galego desde unha perspectiva crítica e disidente.

Mércores 22 de abril ás 21:00 h na Sala La Fábrica de Chocolate.

A música e a diversión toman o relevo co Bingo musical Drag King conducido por Aymar Note. Unha proposta lúdica que reivindica a arte e o ocio nocturno como espazos de resistencia e visibilidade.

Xoves 23 de abril ás 19:30 h na EMAO (Escola Municipal de Artes e Oficios).

A xornada final céntrase nas presentacións editoriais de obras LGTBIA+ e ‘queer’ con posto de venda de libros. Unha oportunidade perfecta para descubrir novas investigacións e literatura especializada.

MariCorners demostra que a investigación non ten por que ser gris nin illada; pode ser colectiva, resiliente e, sobre todo, moi orgullosa.

Programación completa