Maldito Murphy Dúo

Juan Castro (voz) e Aarón Starsailor (batería) poñerán música en directo ás noites de sábado de xullo. Será no restaurante mexicano ‘El Cártel de Mawey’ (Travesía de Vigo, no 14) en horario de 21:00 a 23:00 horas, sendo o primeiro destes concertos este sábado 3 de xullo. En total serán cinco concertos nos que Maldito Murphy, en formato dúo e sen Sebas Yepes (baixo) e Román Tabarés (guitarra), tocarán tanto cancións propias coma versións doutros grupos. Ademais, o cuarteto organizará sorteos en colaboración cos responsábeis do ‘Cártel de Mawey’ nos que o público asistente vai poder gañar parte do merchandising da banda e ceas gratis no local vigués. Con estes concertos tanto banda como local tentan promover a cultura da man da gastronomía e amosar que a organización de eventos é unha actividade segura.