Tras Malatestta atópase o veterano músico biscaíño Mario Antolín, forxado como músico en formacións como La Venta De Borja, Ekintza, Lacco ou Tucker. Agora o cantautor destápase cun proxecto máis en solitario que podemos encadrar preto do rock de autor. Temas que xorden dun sentimento moi intimista, cunha sensación de acústica sinxeleza.

O cantante presentará o seu disco ‘Persiguiendo sueños’, composto por 10 cancións nas que a golpe de riff debulla as súas vivencias, viaxes e paixóns. Un traballo onde mostra o seu lado máis escuro, máis honesto, máis visceral e en definitiva, máis seu que nunca.