Poesía, música e pintura en vivo con Javier Santalices no CRAC de Coruxo.

O vindeiro sábado 14 de xuño ás 20:00 horas, o CRAC de Coruxo (Vigo) acollerá un evento cultural único baixo o título Mala letra en mi libreta, no que o poeta Javier Santalices ofrecerá unha experiencia artística que combina poesía en directo, música de piano e pintura en vivo.

Este recital fusionará as palabras do autor coa interpretación musical de David Barros e a creación pictórica en tempo real da artista Tamara Barrasa, nunha aposta pola arte multidisciplinar e a emoción compartida.

A entrada será libre e gratuíta, no Salón de Actos do CRAC de Coruxo