Banda de covers de grandes cancións de rock e garage, que abarca temas desde os anos 60 ata os 2000. Está formada por David Outumuro á batería, Joselo García no baixo e voz, e Alberto Lopo na guitarra e voz.Trátase de tres músicos profesionais que compaxinan este proxecto con outras bandas, a docencia, traballos de estudo e producións musicais, entre outras actividades.

Madmen ofrece un directo divertido e explosivo, capaz de contaxiar ao público coa súa enerxía e actitude sobre o escenario. O seu repertorio combina un set de cancións intensas e incendiarias cun coidado máximo pola calidade musical e o son, achegando ao mesmo tempo frescura e potencia en cada actuación.