Madmen é unha banda de covers de grandes cancións de Rock & Garaxe desde os anos 60 ata os 00, formada por David Outumuro á batería, Joselo García ao baixo e voz, e Alberto Lopo á guitarra e voz. Tres músicos profesionais que compaxinan este proxecto co seu traballo noutras bandas, a docencia, traballos de estudo, producións musicais, etc.

Madmen ten un directo divertido e explosivo que contaxiará ao público esa diversión, coa súa actitude no escenario e cun set de cancións incendiarias, pero que ao mesmo tempo atravesarán coma un sopro de aire fresco, coidando sempre ao máximo a calidade musical e o son.