Lucio Strada

O 15 de novembro (19:30 horas) a Asociación Évame Oroza acollerá un evento en torno ao cómic Lucio Strada, no que
participarán o autor do mesmo Iago Losada, o editor Xabier Romero e a música chegará desde Tropical Boy (DJ Set).

No acto contaremos cunha exposición na que se presentarán pezas e páxinas do primeiro volume das aventuras de Lucio
Strada, que inclúe as doce primeiras publicacións. Non faltará un tempo de conversación co autor e o editor e, por suposto,
firma de exemplares.

Lucio Strada mergúllanos nun thriller na cidade de Vilajiche, unha adaptación dun Vigo esvaecido e anacrónico, onde
podemos identificar elementos e personalidades do século XX e principios do XIX: locais, “anuncios” míticos, criaturas da noite e da “rúa”, puro lore vigués. Unha historia en 12 capítulos na que cada entrega conta tamén cunha portada alternativa deseñada por artistas locais.