Os Tripl3ts son un power trío de, como lles gusta chamalo, “Pub Swing, Dirty Jump Blues e Old School Rock n’ Roll”.
Unha posta en escena enérxica, compacta, sinxela e con moita actitude.

DIEGO FERNÁNDEZ
Comeza a mergullarse no mundo da música moi novo, cunha forte paixón pola guitarra, apoiada e reforzada polo seu mestre Plácido Montenegro. Graduado na Escola de Música Moderna Rock School (Vigo), xirou con bandas de diversos estilos como Maldito Murphy, D’esmorga, Superoito ou Miki Nervio & The Bluesmakers, sendo habitual en jam sessions e eventos locais. Colaborou en proxectos con artistas como Pablo Novoa (Pablo Novoa Surf Trio) ou Quique Gómez. Destaca un estilo de blues clásico moi influenciado polo swing e o jazz, coa crudeza doutras ramas como o Chicago ou o Texas blues, mantendo a esencia punk.

FIZ NOVOA
Músico galego de 1993 que estableceu relacións internacionais con músicos como Julian Burdock, Budda Guedes, Philippe Fernández, entre outros. Tocou nas salas máis emblemáticas de Madrid, como o Café Central, Clamores ou Café Berlín. Ao mesmo tempo, participou en programas televisivos como Late Motiv, Xabarín Club e Luar.

ALEX CARRERO
Comezou a tocar a guitarra aos 15 anos con profesores locais e formando parte de bandas da comarca. Entre 2009 e 2011 estivo en Santiago de Compostela en ESTUDIO, Centro Profesional de Música Moderna, con formación en instrumento, harmonía, arranxos e composición. Comezou co baixo eléctrico en 1998. Recibiu clases de Paco Dicenta, gran baixista co que aprendeu e se inspirou para coñecer este instrumento, e posteriormente tamén de Fernando Lamadrid. Formou parte de bandas como El Cubo, Void, Sue, Lóstrego, Cool F., Raúl Ben, Seso Durán, Jay Doe and the Blues Preachers e Best Boy.