A festa de presentación do EP debut de Raze, artista multidisciplinar queer, incluirá unha listening party e unha proxección audiovisual arredor dun traballo que mestura electrónica, pulsos de club, ritmos caribeños e pop contemporáneo. A proposta de Raze combina capas sintéticas, percusión rítmica e melodías envolventes para construír un universo onde dialogan son, corpo e imaxe.

O seu lanzamento explora ideas como a transformación, o desexo e o movemento a través dunha paisaxe sonora na que conviven enerxía rave, sensibilidade melódica e experimentación. A entrada será de balde.