Lidia India 

Lidia India é unha cantora e compositora ferrolana. Descubre a súa paixón pola música ó longo das súas viaxes por latinoamérica, especialmente no Brasil. Isto vese reflectido nas súas composicións cheas de vida. Unha fusión na que ritmos afrobrasileiros mestúranse con estilos máis actuáis e pinceladas do folclore galego.

Músicas de raíz que percorren os corpos e invitan ao baile. Acompañada de Mauricio Caruso e César Yáñez presenta unha proposta diferente con sons pouco habituáis, onde as fronteiras desaparecen e podemos sentir que formamos parte de algo máis grande.