Libre coma os paxaros

Unha muller toma a palabra e proclámase dona da súa liberdade. Manifesta, desafiante, non someterse ás regras da arte nin acatar mandatos dos seus iguais.

Declara o seu amor pola literatura, a poesía e a lingua do seu país; o seu respecto e admiración polas escravizadas mulleres do seu pobo, e expresa a súa solidariedade e a súa dor polas miserábeis condicións de vida que aquelas teñen que soportar.

Denuncia o espolio do patrimonio forestal, a traxedia da emigración á que se ven obrigados centos de miles de compatriotas para poder sobrevivir, eles e as súas familias, á fame e á miseria. E clama contra o silencio que todo o envolve.

Muller. Filla de nai solteira. E de pai cura. Escritora. Galega de pensamento libre. Chámase María Rosalía Rita de Castro.
Teatro do Atlántico

Hora: 

• sábado 25 de febreiro ás 20:00h
• domingo 26 de febreiro ás 20:00h

Recinto: Sala Ártika

Prezo: 

• Venta online: Entrada Anticipada: 10 € + gastos de xestión
• En taquilla: Entrada Xeral: 14 €

Idades recomendada: + 18 anos

Duración: 75 min