A Asociación Veciñal Curva de San Gregorio organiza unha xornada festiva e cultural o vindeiro domingo, 17 de maio, para homenaxear a figura de Begoña Caamaño no Día das Letras Galegas. O evento terá lugar na praza urbana situada na rúa Tomás A. Alonso, 185-187.

A programación para este día de celebración inclúe as seguintes actividades:

• 11:30 h – A festa comezará coa música tradicional dun grupo de gaitas, que se encargará de animar o recinto e dar a benvida aos asistentes.
• 12:00 h – O actor Avelino González ofrecerá un monólogo de humor para facer gozar ao público con grandes doses de retranca.
• 13:00 h – A compañía Inventi Teatro porá en escena a obra titulada “Marcho que teño que marchar”.

Ademais da oferta cultural, os asistentes poderán desfrutar de polbo á feira durante toda a xornada. A organización convida a toda a veciñanza a participar neste día de exaltación da lingua e a cultura galegas.