O IFEVI acolle de novo , esta vez durante o Samaín, o Wake Up Festival, un evento organizado por Wake Up Electronic Parties os días 31 de outubro e 1 de novembro. O festival, considerado o evento de música electrónica en recinto pechado máis importante de Galicia, programa a algúns dos artistas internacionais e estatais de electrónica máis salientables da actualidade.

O primeiro día, a cita comezará ás 19:00 horas e prolongarase ata as 06:00 do día seguinte, con actuacións de artistas como ANNĒ, Elli Acula, Fatima Hajj, Ron Bacardi e os residentes Isma B e Mury. A gran atracción da noite será a presenza de Richie Hawtin, unha das figuras máis influentes da historia do techno. Innovador, minimalista e visionario, foi unha forza motriz do xénero desde os anos 90, liderando tanto nas cabinas como nos avances tecnolóxicos aplicados á música electrónica.

A segunda xornada, que comezará ás 18:00 e tamén rematará ás 06:00, reunirá a Aerea, Ben Sims, Héctor Oaks, Len Faki, Überkikz e os residentes Grobas e Karras Martínez. Con todo, o gran protagonista será Jeff Mills, lenda indiscutible do techno de Detroit e cofundador do mítico colectivo Underground Resistance. Coñecido pola súa precisión milimétrica aos pratos e pola súa capacidade para crear relatos sonoros únicos, Mills transcende o musical e consolídase como un ícono cultural da electrónica mundial.

VENRES 31 DE OUTUBRO (19:00 – 6:00)
Anne, Elli Acula, Fatima Hajji, Richie Hawtin, Ron Bacardi, Isma B e Mury

SÁBADO 1 DE NOVEMBRO (18:00 – 6:00)
Aerea Live, Ben Sims, Héctor Oaks, Jeff Mills, Len Faki, Überkikz