Ledicia Costas en Libros para soñar

Ledicia Costas achégase a Libros para soñar coa nova entrega de ‘A señorita Bubble: Deus salve ás raiñas’ para asinalos a todos.

A señorita Bubble recibe unha carta de Isabel II e ten que viaxar inmediatamente ao Palacio de Buckingham. A raíña ten problemas: hai invasión de ratas na cidade de Londres. Chegaron a entrar no palacio e roubaron unha das pezas máis valiosas da colección de Isabel II. Os roedores actúan baixo as ordes de Jack White, un cazador de ratas que as adestrou coa intención de dominar o Reino Unido.A inventora terá que usar todo o seu enxeño para recuperar o obxecto roubado e tamén para que a paz regrese a Londres. Pero non o terá nada fácil.

A entrevista a dirixe Andrés Troncoso Lago, que con tan só 10 anos faranos reir moito. O mércores 23 ás 18 horas en Libros para soñar.