Española afincada no Canadá, esta artista icónica que cabalga entre o coldwave e o synthpop iniciará en Vigo a súa primeira xira polo noso país.
Na Fábrica de Chocolate Club presentará o seu segundo e máis recente disco, “Crépuscule”, publicado o pasado abril.

Este último traballo, editado polo selo alemán Detriti Records, actualiza a electrónica de baile de comezos dos 80, mesturando sintetizadores minimalistas con capas de euforia sintética e beats concisos. A voz de Krieg, distante pero apaixonada, cantando tanto en francés como en inglés, ábrese paso entre a disonancia electrónica.

No referente ás melodías, lembran inmediatamente a bandas que fixeron historia na escena como Trans-X, Linear Movement, Deux ou Hard Corps. Algunhas críticas máis xeralistas compárana co son dos primeiros The Cure ou Depeche Mode.

Data: Mércores 29 de outubro
Lugar: La Fábrica de Chocolate Club (Rogelio Abalde 22, 36201 Vigo, Pontevedra)
Apertura de portas: 21:30 h
Entradas: WOUTICK