LA SIRÈNE DU MISSISSIPPI

Dentro da programación de Cineclube Lumière xunto coa Filmoteca, o vindeiro venres 10 de decembro proxectarase o filme ‘La sirène du Mississippi’ (1969), de François Truffaut.

SINOPSE
O rico propietario dunha plantación de tabaco na illa de Reunión vai casar cunha muller con quen mantén unha relación estritamente epistolar. Un relato de amour fou, engano e paixón destrutiva influído por Hitchcock e incomprendido no seu momento, onde Truffaut habilmente traslada a acción da novela de William Irish da Nova Orleáns de 1830 á Córcega da época de filmación. Para sempre, o traballo con Jean-Paul Belmondo e Catherine Deneuve, a música de Antoine Duhamel mais a primeira rodaxe en que mantén a orde prevista no guión para fortalecer a progresión dramática.

Venres 10 ás 20:00